Kredit maqsadi

Aylanma mablag‘larni istalgan maqsadlar uchun to‘ldirishga;

Qarz oluvchilar

O‘zbekiston Respublikasi rezidenti bo‘lgan xo‘jalik yurituvchi subyektlar (yakka tartibdagi tadbirkorlar, kichik va o‘rta biznes subyektlari);

Miqdor

• Davlat ro‘yxatidan o‘tkazilgan kundan boshlab 12 oydan kam muddat davomida xo‘jalik faoliyatini yuritayotgan qarz oluvchilar uchun — yillik aylanmaning 30%igacha, biroq 500 mln so‘mdan oshmagan miqdorda;

• Davlat ro‘yxatidan o‘tkazilgan kundan boshlab 12 oydan ortiq muddat davomida xo‘jalik faoliyatini yuritayotgan qarz oluvchilar uchun — yillik aylanmaning 50%igacha, biroq 750 mln so‘mdan oshmagan miqdorda;

• Davlat ro‘yxatidan o‘tkazilgan kundan boshlab 36 oydan ortiq muddat davomida xo‘jalik faoliyatini yuritayotgan qarz oluvchilar uchun — yillik aylanmaning 60%igacha, biroq 1 000 mln so‘mdan oshmagan miqdorda.

  *Pul mablag‘lari aylanmasi faoliyatning so‘nggi 12 oyi uchun hisoblanadi (faqat faoliyatdan olingan tushum hisobga olinadi).

Valyuta

Milliy valyutasi - so‘m.

Ajratish shakli

• Milliy valyutada naqd pul shaklida — pul mablag‘larini Qarz oluvchining ssuda hisobvarag‘idan Bankning chiqim kassasi hisobvarag‘iga o‘tkazish hamda keyinchalik belgilangan tartibda Bank kassasi orqali Qarz oluvchiga naqd pul mablag‘larini berish yo‘li bilan;

• Milliy valyutada naqdsiz shaklda — pul mablag‘larini Qarz oluvchining ssuda hisobvarag‘idan Qarz oluvchining asosiy hisob-kitob hisobvarag‘iga belgilangan tartibda o‘tkazish yo‘li bilan;

• Milliy valyutada naqdsiz shaklda — pul mablag‘larini Qarz oluvchining ssuda hisobvarag‘idan sotuvchining hisob-kitob hisobvarag‘iga belgilangan tartibda o‘tkazish yo‘li bilan.

Muddati

36 oygacha;

Imtiyozli davr

12 oygacha.

Stavka

24% dan.

Talablar

• Yaxshi kredit tarixiga ega bo‘lish;

• Barqaror pul tushumlariga ega bo‘lish;

• Asosiy hisobvarag‘i «Orient Finans» XATBda yuritilishi;

• Zararsiz faoliyat yuritish va nolikvid balansga ega bo‘lmaslik;

• Kreditga layoqatlilik reytingi «BBB»dan past bo‘lmasligi;

• Joriy muddati o‘tgan qarzdorlik mavjud bo‘lmasligi.

Maxsus shartlar

• Kredit ikkilamchi hisobvaraq orqali ajratilgan taqdirda, amaldagi foiz stavkasi 3 (uch) foiz bandiga oshiriladi.

• Biznes-reja taqdim etish talab etilmaydi. Bunda Qarz oluvchi kreditni so‘ndirish manbalari ko‘rsatilgan pul mablag‘lari harakati hisob-kitobini (Cash Flow) taqdim etishi shart.

• Mazkur kredit mahsuloti doirasida kredit ajratishning barcha shartlarini aks ettirgan holda 36 (o‘ttiz olti) oygacha bo‘lgan muddatga bosh kredit kelishuvini tuzishga ruxsat etiladi.

• Kredit mablag‘laridan maqsadli foydalanish monitoringi amalga oshirilmaydi.

• Qarz oluvchining moliyaviy ko‘rsatkichlari salbiy bo‘lgan taqdirda, majburiyatlarning bajarilishi ko‘char va (yoki) ko‘chmas mulk garovi bilan ta’minlangan holda kredit ajratishga ruxsat etiladi. Bunda foiz stavkasi kredit muddatiga qarab 2 (ikki) foiz bandiga oshiriladi.